Damb qui collaboram

Associacion qu’amasse as enterpreses deth sector gasièr espanhòu e qu’ei comprometuda damb eth compliment dera Agenda 2030 des Objectius de Desvolopament Sostenible e es objectius d’energia e clima dera Union Europèa. Promò er emplec deth gas pr’amor des sòns avantatges energetics e de reduccion d’emissions, e impulse era cooperacion de toti es agents implicadi entà accelerar era transicion energetica, en tot cercar er equilibri entre eth suenh deth miei ambient e era garentida de provediment, eth creishement dera economia e eth benèster des consumidors.

Ei era plataforma tecnologica qu’impulse eth transpòrt sostenible damb gas naturau e gasi renauibles (biometan, idroogèn e es sòns derivats) per tèrra, mar e aire en Espanha e Portugau. Agròpe 160 sòcis qu’artenhen tota era cadea de valor, entre es quaus, enterpreses e institucions reconeishudes e lidèrs enes sòns respectius airaus: energia, automocion, engenharia, transpòrt, formacion e investigacion.

Era Associacion Espanhòla de Biogàs represente, promò e divulgue es gasi renauibles, era economia circulara, era gestion e valorizacion des residús organics e era agroecologia e ramaderia sostenibla, entre d’auti ahèrs, pr’amor dera sua aportacion ara reduccion d’emissions, era generacion d’energia renauibla, era produccion de bioproductes e era promocion dera economia locau. Ath delà, agís de plataforma de comunicacion e collaboracion entre es actors deth sector a nivèu nacionau e internacionau.

Gas Distributors 4 Sustainability represente as principaus enterpreses distribuidores de gas naturau en Grècia, Espanha, França, Irlanda, Itàlia, Portugau e Romania, que dan servici a 28 milions de clients apuprètz e representen apuprètz eth 20% des consumidors europèus de gas naturau. Un des sòns objectius ei compartir es melhores practiques en cadun des sòns respectius mercats damb er objectiu de melhorar era qualitat des servicis rendudi as consumidors e desblocar eth potenciau deth gas renauible e es hilats de distribucion de gas.

Eth Consòrci Europèu ECO-GATE, liderat per Nedgia, a coma objectiu desvolopar eth mercat deth gas naturau convencionau e renauible entath sector dera mobilitat ath long deth Correder Atlantic e era sua interconnexion damb eth Correder Rin-Danubi, e tanben ath long deth Correder Mediterranèu espanhòu. ECO-GATE utilize es naues tecnologies e aplique solucions innovadores entà hèr possible eth desplegament rapid e massiu d’aguest combustible alternatiu, mercés a ua reduccion significativa deth còst unitari e a ua melhora comprenença e mès grana coneishença des besonhs des clients.

European Biogas Association jògue era carta dera reconeishença deth biometan e d’auti gasi renauibles coma hònts d’energia sostenibles e flexibles que proporcionen mantuns beneficis socioeconomics e ambientaus. EBA trabalhe damb institucions europèes, industria, sòcis agricòles, ONG’s e eth mon academic entà desvolopar politiques que permeten eth desplegament a grana escala en Euròpa de gasi renauibles e fertilizants organics, damb eth supòrt d’organismes de certificacion de sostenibilitat transparenti e plan establidi que garentisquen qu’era sostenibilitat contunhe d’èster eth nuclèu dera industria.

Era mission d’ERGaR ei perméter eth transferiment transfronterèr deth comèrç de gasi renauibles damb es sues corresponentes certificacions de sostenibilitat (garentides d’origina) a trauès deth hilat europèu de gas naturau, mejançant un sistèma de documentacion independent, transparent e fidable entath bilanç de masses deth biometan e d’auti gasi renauibles.

Eth Consòrci Europèu REGATRACE a per objectiu desvolopar eth mercat deth gas renauible en Euròpa e era creacion d’un sistèma de comèrç basat enes garentides d’origina deth biometan e d’auti gasi renauibles en Euròpa.

European Gas Research Group (GERG) trabalhe damb era comunitat energetica europèa entà desvolopar solucions innovadores que placen ara infrastructura gasièra en còr deth sistèma energetic, ara e en futur. Entre es sòns objectius se tròbe identificar, promòir e executar projèctes innovadors d’I + D damb ua amira estrategica en futur deth gas e trabalhar entà arténher un futur energetic sostenible, baish en carbòni, competitiu e segur.

Ready4H2 ei ua iniciativa entà dar sosten ath desvolopament d’un mercat d’idogèn e compartir coneishença e experiéncia, damb era tòca de contribuïr ara transformacion dera infrastructura energetica europèa e ath compliment des objectius de neutralitat climatica dera Union Europèa.