Servici d’urgéncies, en tot pensar ena tua seguretat

En Nedgia metem ara tua dispausicion un Servici d’Urgéncies es 24 ores, es 365 dies der an.

Servicio de urgencias de Nedgia para incidencias de gas

Denuncia de irregularidades en el suministro de gas

Se sentes odor de gas o sospèches que i a ua huèja

Telefona ath telefon gratuït
900 750 750

Qué hèr se se sent aulor de gas?

Ací trobaràs toti es conselhs de seguretat qu’as de seguir s’ena tua casa sentes aulor a gas.

Daurís pòrtes e hièstres

Daurís es pòrtes e hièstres entà que eth locau demore plan airejat. Deuant d’ua possibla asfixia, pren aire fresc e immediatament sollicita atencion medicau.

Barra era clau generau de pas

Barra es comandaments des aparelhs de gas e era clau generau de pas. Se dempús de barrar era clau de pas contunhe de senter-se aulor de gas, aireja e ges de casa enquia qu’arribe eth personau d’urgéncies.

Non manipules aparelhs electrics

Non manipules cap aparelh electric ne acciones cap interruptor.

Telefona ath telefon d’urgéncies 900 750 750

Telefona ath nòste telefon d’urgéncies 900 750 750, e anaram rapidament a inspeccionar era tua installacion. Telefona sonque en cas d’urgéncia entà non saturar era linha.

Non genères ahlames ne bues

Non genères ahlames o bues e, sustot, non humes.

Non tornes a daurir era clau de pas enquia auer reparat era installacion o er aparelh avariat.

As mès qüestions?

Qüestions e responses sus irregularitats deth gas

Com foncione eth telefon d’urgéncies?

Aguest servici corbís es operacions de besonh entà eliminar o redusir quinsevolh risc e normalizar eth provediment de gas.
Telefon gratuït 900 750 750

Qué as de saber?

Eth servici d’Atencion d’Urgéncies non includís era reparacion dera installacion de gas a compdar dera clau de connexion deth bastiment, exceptat qu’aguesta installacion sigue propietat de Nedgia.
Arrebremba que, enes zònes comunes deth tòn bastiment, ei eth proprietari, o qui lo represente, qui a de responsabilizar-se dera sua conservacion e mantenença. Dera pòrta entà laguens deth tòn abitatge, as de mantier era installacion en perfèit estat e hèr-ne un usatge adequat.

Quan as de telefonar?

Crida-mos se percebes que i pòt auer bèth risc provocat peth gas naturau e obsèrves anomalias en subministrament, coma pression nauta o baisha, o manca de gas.

Es especialistes de Nedgia classificaràn era incidéncia en foncion deth risc o dera gravetat e t’indicaràn per telefòn com as d’actuar. Se non se pòt resòlver eth problèma per telefòn, t’enviaràn eth personau especializat de Nedgia entà eliminar es risques.