Seguís aguesti simples conselhs entà èster mès eficient e estauviar ena factura
Conselhs d’eficiéncia energetica
Amassa artenheram de redusir eth consum energetic deth tòn larèr.
Cauhatge
- Manten era temperatura entre 19ºC e 21ºC pendent eth dia e entre 15ºC e 17ºC pera net.
- Baisha es persianes pera net entà evitar qu’era calor s’escape.
- Isòla plan es hièstres: poderàs estauviar entre un 20 % e un 30 % en cauhatge.
- Non amagues es radiadors damb mòbles o darrèr des cortines.
- Amòrta eth cauhatge quan aireges e profita es moments de mès solei: Damb 10 menutes ath dia n’i a pro!
- Espurga de forma regular es radiadors entà que foncionen a plen rendement.
- Non eishugues era ròba sus es radiadors.
- Emplega tapisi entà melhorar era sensacion termica des crambes.
Codina
- Emplega era aigua estrictament de besonh: Quanta mès aigua emplegues, mès calor auràs de besonh entà cauhar-la!
- Emplega recipients qu’agen eth hons difusor leugèrament mès ample qu’era dubertura superiora.
- Daurís eth horn solament s’ei de besonh: Sabies que cada viatge que lo daurisses pèrdes un 25 % d’energia acumulada?
- Emplega eth microondes e estauvia entre un 60 % e un 70 % d’energia.
- Es oles de pression t’estauvien temps e enquia un 80 % d’energia.
Aigua cauda
- Installa aerators enes shetes.
- Ajusta era temperatura dera aigua cauda entre es 30ºC e es 35ºC.
- S’as caudèra o cauhader, regula era temperatura des shetes ath torn des 35ºC.
- Sabona-te damb era sheta tampada, en tot ac hès, estauvies 10 litres d’aigua per menuta.
- Es doches eficientes non an de passar des 5 menutes e era aigua a un maximau de 30ºC.
Eth consum energetic en tòn larèr
Cauhatge
Supause un 41 % dera energia que consumisses.
Aigua cauda
Supause un 26 % dera energia que consumisses.
Electrodomestics
Supause un 12 % dera energia que consumisses.
Codina
Supause un 11 % dera energia que consumisses.
Conselhs entà estauviar energia enes tòns electrodomestics
Coma estauviar gas naturau
Descorbís es conselhs qu’en Nedgia te dam entà estauviar gas naturau en tòn larèr. Contraròtla era tua despena energetica en tot hèr un bon emplec deth gas naturau e en tot mantier era tua installacion en bon estat.
Met era tua installacion en mans de professionaus
Sonque ua enterpresa installadora autorizada pòt hèr o modificar ua installacion de gas.
Se tròbes quauqua anomalia enes aparelhs o ena installacion de gas naturau, telefona ath servici tecnic deth fabricant der aparelh o a ua enterpresa installadora autorizada entà corregí’c ath mès lèu possible.
Hè atencion ara tua installacion
Eth bon estat dera ahlama (establa e blua) demòstre ua bona combustion. Evita que s’amòrten es fornèus en tot codines.
S’eth hum dera ahlama taca es caceròles, avertís ath servici tecnic deth fabricant der aparelh, pr’amor qu’ei senhau d’ua mala combustion.
Susvelha er estat des tubs flexibles des aparelhs e demana as installadors que t’installen tubs de nauta seguretat que complisquen damb era normativa en vigor.
Manten era installacion ath dia
Segons era normativa en vigor, tu ès eth responsable dera mantenença dera installacion e deth sòn bon emplec e des aparelhs de gas.
Era companhia distribuidoira a de realizar ua inspeccion periodica des installacions de gas e er usatgèr a de facilitar er accès entà poder realizar-la.
Coneish en prigondor en qué consistissen es inspeccions periodiques.
Manten ua ventilacion avienta
Es reishetes de ventilacion an d’èster en perfèctes condicions.
Non les obstruïsques en cap cas.
S’enveires era terrassa, non desbrembes de díder as manòbres qu’an de daurir es reishetes de ventilacion.
Eth tub de gessuda des gasi ei fondamentau entath bon foncionament des aparelhs. Hè que t’ac installe un especialista, en tot seguir era normativa.
En abséncies esperlongades
Se te cau èster dehòra per un temps long (mès de dus dies) tampa era clau de pas deth gas de casa tua.
Gratuïtament e sense compromés
Calcula eth tòn budget entà installar gas naturau
