Zure kontagailu adimendun berria

Jakin behar duzun guztia

Zer da gas-kontagailu adimenduna?

Zure gas-kontsumoa neurtzen duen gailua da, eta urrutitik komunikatzen da gurekin.
Horrek esan nahi du dagoeneko ez dugula zure etxera joan behar irakurketa egitera, eta ziurtatu egiten du benetako neurketa, eragozpenik gabe.

Urruneko irakurketa eta automatikoa

Bisitarik eta estimaziorik gabe.

Zure kontsumoaren kontrol handiagoa

Informazio zehatza atzitu ahal izango duzu.

Irakurketen ataria

Zer abantaila ditu kontagailu adimendunak?

Gas-kontagailu adimendunak aurrerapauso handia dira energia-kontsumoaren kudeaketan. Hona hemen teknologia hori etxerako eta enpresetarako aukera bikain bihurtzen duten abantaila nagusietako batzuk.

Eguneroko irakurketen xehetasuna

Akabo zenbatetsitako irakurketak: kontsumoari buruzko informazio zehatza eta eguneratua izango duzu.

Kontsumoaren kontrol handiagoa

Zure kontsumo-ereduak hobeto ezagutu ahal izango dituzu eta zure energia-eraginkortasuna optimizatzeko neurriak hartu ahal izango dituzu.

Segurtasun handiagoa

Kontagailu adimendunek zure etxeko edo negozioko segurtasuna hobetzen dute, horniduran egon daitezkeen ihesak edo irregulartasunak detektatzeko aukera ematen baitute.

Bezeroarentzako zerbitzua hobetzea

Jada ez da beharrezkoa teknikari bat zure etxera joatea benetako irakurketa hartzeko. Hainbat izapide, hala nola hornidura-etetea, urrutitik egin ahal izango dira.

Merkaturatzailearekin kudeaketa hobetzea

Zure merkaturatzaileak unean bertan du behar duen informazioa, eta ez duzu ezer egin behar. Hala, edozein gorabehera ebaztea edo konpainia-aldaketa bizkorragoa da.

Gas berriztagarriekiko bateragarritasuna

Kontagailu berriak bateragarriak dira, halaber, gas berriztagarrietarako trantsizioarekin, hala nola biometanoa eta hidrogenoa, eta bat datoz deskarbonizazio-helburuekin.

Nola aldatuko da zure kontagailua?

Datozen urteetan, gas-kontagailuak pixkanaka berrituko dira, eta gailu adimendunak jarriko dira. Azalduko dizugu nola.

Datozen urteetan

Ordezkapena progresiboki egingo da datozen urteetan, 6 eta 8 urte bitarteko epean.

Instalazio-kosturik gabe

Nedgiak bere gain hartu du kontagailu zaharra kendu eta berria instalatzeko kostua.

Instalazioan aldaketarik ez

Kasu gehienetan, kontagailu berriak leku bera hartuko du eta konexio berdinak erabiliko ditu.
Salbuespenez egokitzapenen bat behar izanez gero, bisitan horren berri emango dizute.

Hornidura-eten luzerik gabe

Prozesua azkarra izango da, eragozpenik gabe.

Datuen segurtasuna eta babesa

Kontagailu adimendunek hornidura kudeatzeko behar den informazioa bakarrik transmititzen dute.
Datu guztiak enkriptazio aurreratuaren bidez babestuta daude.
Segurtasun eta pribatutasun estandar zorrotzak betetzen ditugu.

Balio-bizitza eta mantentze-zerbitzua

Gutxi gorabeherako iraupena: 20 urte (ICT/155/20ren arabera).

Bisitarik gabeko mantentze-zerbitzua: softwarearen eguneratzeak eta urruneko diagnostikoak.

Ohiko galderak

Noiz aldatuko didate kontagailua?

Ordezkatze prozesua pixkanaka egingo da datozen urteetan. Instalatu aurretik, jakinarazpen bat jasoko duzu aldaketaren datarekin eta xehetasunekin.

Instalaziorako bertan egon behar dut?

Kasu gehienetan, bertan egon beharrik gabe egiten da aldaketa, betiere kontagailua kanpotik atzitu ahal bada eta gailuen ixteko giltza itxita uzten bada. Kontagailua etxe barruan badago, zure etxean egon beharko duzu, sartu ahal izateko.