A emerxencia climática é o resultado dunha multitude de factores que están ameazando ao planeta e aos seres que o habitan, como o cambio climático, a desertificación, a contaminación e outros moitos estragos que se están a producir no medio ambiente.
É o que xa coñecemos como cambio climático, pero coa intención de chamar a un cambio máis inmediato e de efecto máis duradeiro.
Que significa realmente emerxencia climática?
O concepto ‘emerxencia climática’ acuñouse arredor do ano 2019, e daquela non era unha palabra utilizada para referirse en especial ao que todos entendemos como cambio climático.
Oxford Dictionaries define como ‘emerxencia climática’ unha situación na que se requiren medidas urxentes para reducir ou deter o cambio climático e evitar o dano ambiental potencialmente irreversible resultante deste proceso. Sinala, ademais, que a maior conciencia pública sobre a ciencia do clima e as innumerables implicacións para as comunidades de todo o mundo xerou este ano 2019 unha enorme discusión sobre o que o secretario xeral da ONU chamou “o tema definitorio do noso tempo”, segundo nos indican os dirixentes deste servizo que proporciona a unidade editorial da Universidade de Oxford. Alén diso, esta unidade encárgase de escoller a palabra do ano e, nese ano de 2019, decidiron decantarse pola de ‘emerxencia climática’, precisamente porque recollía gran parte das inquedanzas dos cidadáns sobre o cambio climático.
Finalmente, comezamos a utilizala de forma ampla e en diferentes ámbitos para chamar a atención sobre un fenómeno coñecido coas palabras ‘cambio climático’, que probablemente non reflicta a urxencia que requiren os cambios que temos que realizar para non acabar colapsando como planeta.
Así que, en termos moi básicos, a emerxencia climática non é máis que unha palabra para designar o concepto ‘cambio climático’, que revisamos de xeito amplo no noso blog, na nosa sección sobre Medio ambiente e cambio climático.
Algunhas das consecuencias e as causas da emerxencia climática
As consecuencias da denominada como emerxencia climática son as que xa coñecemos, como os cambios globais na temperatura da Terra. Ao rexistrarse estes cambios, prodúcese unha alteración dos padróns climáticos que se viñan rexistrando previamente e isto leva a que a natureza se comporte dunha forma distinta.
A emerxencia climática pode definirse, polo tanto, como un quecemento global que afecta os ecosistemas e os leva ao límite, ademais de producir reaccións inesperadas que se mostran no clima (enchentes, furacáns, tifóns, desertificación e moitas outras), tamén nos espazos naturais e nas actividades migratorias das especies animais e, finalmente, na saúde da humanidade.
En canto á súa orixe, como xa sabemos, a principal causa do cambio climático, ou o denominado agora como ‘emerxencia climática’, son os gases de efecto invernadoiro, que se estudan con profundidade no noso artigo Que é o efecto invernadoiro e cales son os gases implicados?
Basicamente son gases que fracturan a capa de ozono e isto leva un aumento inusitado da temperatura. A única forma de combatelo é actuar sobre as emisións. Para iso, débense reducir as emisións de CO2 mediante accións que as reduzan de forma efectiva.
Ademais destes gases de efecto invernadoiro, causantes en gran medida da destrución da capa de ozono, súmanselle outras moitas actividades humanas, como a produción e utilización de aerosois, a talla e queima de bosques (que inciden no reflexo da luz solar na capa de ozono e a destrúe), as actividades agrarias (especialmente por parte de animais herbívoros que xeran metano) e a fundición de aluminio, que emite gases perfluorados.
Que facemos dende Nedgia para combater a emerxencia climática
A comunidade de científicos a ámbito internacional, as corporacións que reaproveitan os recursos naturais e a sociedade parece que están de acordo en que a unión é a clave para poder reducir a emisión destes gases de efecto invernadoiro.
As medidas son moi variadas: substituír os combustibles fósiles por enerxías renovables, construír un mercado de emisións de gases de efecto invernadoiro, reforzar as medidas de eficiencia enerxética, achegar medidas económicas que dirixan con criterio a reforestación e introducir prácticas sostibles en todas as actividades que desenvolvamos.
En Nedgia, a nosa achega é firme. Estamos inxectando, na rede gasista actual, gas renovable procedente do metano de ganderías de porcos ou vacas (xeradores de metano, un gas de efecto invernadoiro que reaproveitamos), vertedoiros ou augas residuais urbanas na actual rede de distribución de gas de España.
Apostamos dende hai máis de cinco anos pola transición enerxética e o I+D no desenvolvemento das novas formas de enerxía que incidirán de forma significativa na descarbonización do sistema enerxético. Fixemos dos gases renovables a nosa bandeira e estamos dispostos a chegar ata o final, xa que actualmente hai proxectadas máis de 2.000 instalacións que xerarán gas renovable.
Ademais destas medidas, e xunto con 90 distribuidoras de 17 países europeos, creamos Ready4H2, unha iniciativa que facilitará a posta en marcha dun marco normativo nacional e europeo para o desenvolvemento do hidróxeno, reaproveitando todo o potencial da infraestrutura gasística europea en favor dos cidadáns. Ademais, marcaremos como meta o obxectivo de neutralidade de carbono que fixou a UE, grazas á creación de sistemas para compartir o coñecemento e a experiencia conseguida nos nosos proxectos, xa foren propios ou en colaboración con outros axentes locais involucrados na cadea de valor do hidróxeno de cada país.
Se queres coñecer máis sobre todas as accións que estamos a levar a cabo, recomendámosche que visites a nosa sección na web sobre Cambio climático e transición enerxética.
