O CUPS é a referencia do Código Unificado do Punto de Subministración, que serve para identificar as vivendas cun código alfanumérico. É facilitado por cada distribuidora e en cada vivenda habilítase un para a luz e outro para o gas. A súa composición alfanumérica faino único e intransferible.
Resumo rápido
- Que é: o código que identifica de forma única o punto de subministración de gas dunha vivenda ou local.
- Quen o facilita: o CUPS facilítao a distribuidora e non cambia, aínda que se modifique a comercializadora de gas.
- Cada vivenda ten un CUPS para o gas e outro para a luz.
- Onde está: podémolo atopar na factura, no propio contrato ou chamando a nosa distribuidora.
Que é o CUPS?
O CUPS é o acrónimo do código unificado do punto de subministración, que serve para identificar as vivendas cun código alfanumérico. É facilitado por cada distribuidora e en cada vivenda habilítase un para a luz e outro para o gas. A súa composición alfanumérica faino único e intransferible.
Para atopalo, só debemos ter unha factura á man ou chamar a nosa distribuidora para que nolo facilite, xunto co enderezo do noso negocio ou vivenda e o DNI do titular.
Cómpre sinalar que o CUPS non se asocia a unha persoa, senón que sempre vai vinculado ao enderezo no que nos atopemos; ademais, a luz e o gas contan con CUPS distintos que proporcionan as distribuidoras. Tamén hai que indicar que non é o mesmo a comercializadora que a distribuidora.
Como se descifra o código
O CUPS ou código unificado do punto de subministración do gas é un código imprescindible para dar de alta ou de baixa o servizo de gas, cambiar de titularidade o consumo, modificar a comercializadora ou a tarifa contratada.
O CUPS componse de 20 ou 22 caracteres:
- Os dous primeiros inclúen as letras ES: España. Son o identificador do país.
- Os catro posteriores serven para identificar a distribuidora de gas. As distribuidoras teñen preasignado un número que concede o Ministerio de Enerxía.
- Os seguintes 12 números asígnaos a distribuidora para poder localizar o punto de subministración.
- Os dous últimos caracteres serven como código de control e confirman que o CUPS é o correcto.
Cando nos atopemos con CUPS de 22 caracteres, significará que se engaden dous caracteres máis denominados «puntos de fronteira», coa misión de poder localizar diferentes contadores no mesmo punto de subministración.
As distribuidoras, comercializadoras ou a Administración pública solicitaranche sempre o código para identificar a subministración.
En Nedgia, os catro primeiros números sempre se corresponderán cos seguintes: ES0203, ES218, ES0220, ES0221, ES0222, ES0223, ES0224, ES0226, ES0227.
Algúns contadores de luz e gas poden ter inscrito o CUPS nalgunha parte que pode ser difícil de atopar. De todos os xeitos, buscar o código nos contadores non é a mellor opción, precisamente porque non adoita ser doado de localizar.
Onde atopalo na factura
Para atopar o CUPS de Nedgia debes consultar o apartado «Os teus datos de subministración de gas» na parte superior da factura. Se queres saber de que apartados se compón a factura, aprendémoscho no artigo do noso blog Como entender a miña factura de gas natural?
Como saber o CUPS sen factura
Se non dispós de ningunha factura, podes chamar a túa distribuidora, indicando o teu DNI, nome do titular e o enderezo para que che localicen o código CUPS. Dependendo da distribuidora, pódenche solicitar un documento que xustifique que es o propietario dese punto de subministración. Se queres saber que distribuidora che corresponde, recomendámosche que consultes o artigo do noso blog no que poderás coñecer cal é a túa distribuidora segundo a túa comunidade autónoma.
Preguntas frecuentes
- Como podo saber o meu CUPS sen a factura?
Se queres saber o CUPS, pero non dispós de ningunha factura á man, sempre o poderás conseguir chamando a túa distribuidora e proporcionando o teu DNI. - Que pasa co CUPS ao cambiar de comercializadora?
Non cambia, mantense o mesmo: o CUPS vai asociado ao punto de subministración e asígnao a distribuidora, polo que podes cambiar de empresa comercializadora ou tarifa e o teu CUPS non mudará. - Que pasa nunha mudanza ou nunha alta nova?
No caso de que te traslades a unha vivenda que xa conta con CUPS de gas natural, manterase o xa existente na vivenda á que te mudes. Se for unha vivenda que non dispón de instalación de gas, non terá CUPS e deberás chamar a distribuidora para solicitar a instalación e, asemade, dar de alta un novo. - O CUPS cambia se mudo de compañía?
Non, o CUPS mantense, mesmo se cambias de compañía. Deste xeito, o CUPS sempre aparece asociado a un domicilio concreto (pode haber moitos cambios de compañía). - É o mesmo o CUPS do gas ca o da luz?
Non, trátase de CUPS distintos, aínda que o concepto é o mesmo, xa que tamén hai distribuidoras de luz, como Hidrocantábrico en Asturias, UFD en Galicia, Endesa en Cataluña etc. - Onde está o CUPS na factura?
Adoita estar na parte superior, no apartado «Os teus datos de subministración de gas». - Cantos díxitos ten o CUPS?
O CUPS pode ter 20 ou 22 díxitos. Cando son de 22 díxitos é porque se engaden dous caracteres máis denominados «puntos de fronteira», coa misión de poder localizar diferentes contadores no mesmo punto de subministración. - Para que preciso o CUPS?
Para realizar calquera trámite en relación co servizo de gas na nosa vivenda: dar a lectura do contador, modificar a potencia, cambiar de titular o gas, cambiar de compañía de gas ou modificar a tarifa contratada.
Se tes calquera dúbida ou queres consultar o teu CUPS, podes acceder dende a nosa páxina de contacto ou chamando o 900 100 252 ou o 919 94 44 44. Se estás co proceso de alta na nosa compañía ou ben desexas instalar o gas natural no teu fogar, recomendámosche que consultes a túa alta ou os pasos que debes seguir para conseguila. Nesta ligazón poderás saber se tes gas natural na túa zona.
