Asseguram eth compliment des nòsti compromesi damb transparéncia e rigor damb toti es grops d’interès. Metem en marcha mecanismes robusti entara gestion deth risc, era proteccion des actius digitaus e era seguretat des infrastructures.
Bon govèrn
Era sostenibilitat ena cadea de provediment:
Nedgia ei comprometuda damb generar emplec en cadun des lòcs enes qu’ei presenta e contribuïr ath desvolopament economic locau, e entad açò pren era amira ena crompa a provedidors locaus, que son part dera cadea de provediment dera companhia.
En aguest aspècte, compde damb ua politica de gestion responsabla dera sua cadea de provediment entà minimizar risqui e garentir ua avienta gestion en airaus coma eth miei ambient, era seguretat, es drets umans, es practiques laboraus e era corrupcion.
Era ciberseguretat, ua prioritat en Nedgia
Er increment de dispositius connectadi ath hilat a obligat as organizacions a establir naui mecanismes de defensa entà evitar ataques ara seguretat dera sua informacion. Coma distribuidora de gas, Nedgia assumís era responsabilitat de garentir uns hilats robusti e considère era proteccion des sues infrastructures ua prioritat.
Eth Plan de Ciberseguretat, includit enes objectius deth Plan de Sostenibilitat 2022-2025 de Nedgia, cerque incrementar era prevencion, proteccion e investigacion en matèria de ciberataques e, en conseqüéncia, refortir era resiliéncia dera companhia enes entorns digitaus damb era tòca d’assegurar era proteccion de toti es sòns actius.
Cadea de provediment
Clauses de ciberseguretat integrades en procès de contractacion dera cadea de provediment de servicis e materiaus de Nedgia.
Persones
Cultura e conscientizacion d’emplegats coma mès grana mesura de prevencion.
Infrastructures critiques
Refortiment de mesures de proteccion sus es infrastructures e actius critics, coma mesura preventiva deuant possibles ataques.
Resiliéncia
Melhorar eth nivèu de resiliéncia dera organizacion en cas d’incidents de ciberseguretat.
Prèmis e reconeishences
Quauques donades d’interèsComa companhia distribuidora, èm es responsables deth desvolopament, operacion e mantenença des mès de 53.800 quilomètres de hilats de gas naturau as que son connectadi mès de 5,4 milions de punts de provediment en lèu 1.150 municipis, e pes que circule eth gas naturau qu’es consumidors finaus contracten damb es enterpreses comercializadores.
Prèmi ath Melhor Projècte de Govèrn, estrategia e cultura dera Donada 2021
Nedgia recebec eth Prèmi ath Melhor Projècte de Govèrn, estrategia e cultura dera Donada 2021, autrejat peth Club de CDO Spain & Latam. Eth projècte se centre en casi d’emplec de donades entà emparar es objectius de negòci e bastir ua arquitectura centrada enes donades. Comencèc en deseme de 2020 e compdèc damb era participacion d’equipes multidisciplinares. Eth prèmi reconeish a Nedgia coma ua enterpresa transformadora e innovadora en sector energetic.
Prèmi enes enerTIC Awards pr’amor deth sòn projècte “mantenença dinamica”
Nedgia recebec un prèmi enes enerTIC Awards pr’amor deth sòn projècte “mantenença dinamica”, que siguec reconeishut ena categoria “Zero Emission” pr’amor dera sua innovacion ena reduccion d’emissions de CO2. Eth projècte utilize modèls algoritmics entà optimizar era mantenença des actius de Nedgia, en tot assegurar era sua seguretat e disponibilitat a un menor còst. Eth prèmi s’autregèc entre mès de 100 projèctes presentadi e reconeishie a 10 dirigents e 15 projèctes en totau.
Coneish mès sus eth compromés de Nedgia