Gas berdea eta ekonomia zirkularra

Biometanoa biogasetik lortzen da, eta gas naturalaren antzeko konposizioa du; beraz, gas-sisteman inolako mugarik gabe injekta daiteke.

Sustatzailea: Naturgy

Gas berriztagarriko planta hau Parc de l’Alban dago, Elena hondakindegiaren ondoan, eta mugarri izan da: hondakindegi batetik datorren gas berriztagarria Espainiako gas-banaketako sarera injektatu den lehen aldia izan da.
 
Ez hori bakarrik: energia-aprobetxamendua ahalbidetuko du, ekonomia zirkularrari lagunduko dio, eta tokiko energiaren ekoizpenari ematen diogun babesaren isla argia da.
 
Instalazio horrekin, halako proiektuak gauzatzeko daukagun gaitasuna erakutsi dugu, gure banaketa-sarearen sendotasunari esker. Sare hori prest dago gas berriztagarriak banatzeko, azken urteetan egindako inbertsioei, Espainian dagoen gas-azpiegiturari eta horniduraren segurtasunari egiten dion ekarpenari esker.

• Urteko 15 GWh, 2.942 etxe hornitzeko adina.
• CO₂ isurien 2.730 tonako murrizketa; 295.135 zuhaitz landatzearen baliokidea.
• Hondakindegiko hondakinetatik datorren biometanoa.

Sustatzailea: BIOENGAS/ENAGAS

UNUE proiektuaren biogas-instalazioa, Biogasnalia lur-eremuan kokatua, nekazaritzako elikagaien hondakinetatik datorren biometanoa injektatzen duen Espainiako lehen instalazioa da. Egunean 90 tona hondakin jasotzen ditu elikagaien eta nekazaritzako elikagaien industrietatik.
 
Biogas-plantatik biometano-plantara doan prozesuak ekoizpenaren jarraitutasuna eta arintasuna ahalbidetzen du, geldialdirik eta galerarik gabe.

• Urteko 25 GWh; hau da, 4.904 etxeren urteko energia-horniduraren baliokidea.
• Urtean CO₂ isurien 4.550 tonako murrizketa; 491.891 zuhaitz landatzearen baliokidea.
• Industria-hondakinetatik datorren biometanoa.

Sustatzailea: AXPO / HYSYTECH

Instalazio horietan, behiek sortutako hondakin organikoetatik abiatuta biogasa sortzen da. Beste mugarri bat ere bada, animaliek sortutako hondakin organikoak erabiltzen dituen lehen instalazioa baita. Hondakin horiek deskonposizio- eta aberaste-prozesu baten bidez tratatzen dira, gas berriztagarri bihurtzeko.
 
Ekonomia jasangarriaren, ekonomia zirkularraren eta hondakin ugariaren erabileraren adibide ona da; izan ere, hondakin horien ugaritasunak arazoak sor ditzake. Planta honi esker, baliabide hori aukera bihurtuko dela ziurtatzen dugu.

• Urteko 30 GWh biometano, 5.885 etxe hornitzeko adina.
• Urtean CO₂ isurien 5.460 tonako murrizketa; 590.270 zuhaitz landatzearen baliokidea.
• Abeltzaintzako hondakin organikoetatik datorren biometanoa.

Sustatzailea: Naturgy

EDAR Bens SA enpresa publikoa Coruñako udalerrietako hondakin-urak arazteaz arduratzen da, eta beste mugarri bat ere ezarri zuen: 2016an, gas berriztagarrien lehen unitate mistoa instalatzeko ekimena jarri zen abian. Unitate horri esker, hiri-hondakin urak tratatuz lortutako biometanoaren erabilera eraginkorragoa da, energia erabilgarriaren % 100 sortzea helburu hartuta.
 
Konpainiak biometanoa bere instalazioetan aurretik erabiltzen zuenez, haiekin bat egin genuen biometanoa gas naturalaren sarean injektatzeko eta modu eraginkorragoan aprobetxatzeko.

• Urteko 5 GWh biometano, 980 etxe hornitzeko adina.
• Urtean CO₂ isurien 910 tona murriztuko ditu; 98.378 zuhaitz landatzearen baliokidea.
• Hondakin-uren araztegiko biometanoa.

Sustatzailea: WAGA / Prezero

Instalazio honetan Bartzelonako eta haren eragin-eremuko hiri- eta industria-hondakinak tratatzen dira. Duela 30 urte baino gehiago PreZero España bertan lanean hasi zelarik, 22 milioi tona hondakin baino gehiago tratatu ditu.
 
Can Matan biltegiratutako hondakinek ia 40 milioi metro kubiko biogas ekoizten dituzte urtean. Biogas hori, orain arte, energia termikoa ekoizteko erabili izan da, lixibiatuen tratamendutik eratorritako kontzentratuak lehortzeko, bai eta energia elektrikoa eta termikoa ekoizteko ere, eraikuntza-materialak fabrikatzeko.
 
Teknologia berri horri esker, biltegi kontrolatuak biogasaren % 100 balorizatzea lortuko du.

• Urtean 71 GWh biometano ekoitziko dira; 13.929 etxeren urteko kontsumoaren baliokidea.
• Atmosferara urtean 12.922 tona CO₂ isurtzea saihestuko du; 1.396.972 zuhaitz landatzearen baliokidea.
• Hondakindegiko hondakinetatik datorren biometanoa.

Sustatzailea: Consorcio Besos Tordera

Proiektu hau martxan jartzean, Nedgiak bermatu egiten du urtean 28 GWh biometano injektatuko dituela sarean, eta, horrela, gas berriztagarria bere azpiegituraren bidez hedatzen lagunduko du.
 
Consorci per a la Gestió dels Residus del Vallès Oriental eta Consorci Besòs Tordera partzuergoek sustatutako instalazioak biometanoa sortzen du, urtean 55.000 tona hondakin organiko kudeatuz eta 12 milioi m³ hondakin-ur araztuz.

• Urtean 28 GWh biometano ekoitziko dira; 5.493 etxeren kontsumoaren baliokidea.
• Atmosferara urtean 5.096 tona CO₂ isurtzea saihestuko du; 550.918 zuhaitz landatzearen baliokidea.
• Hondakin-uren araztegiko biometanoa.

Sustatzailea: Naturgy

Instalazio hori, 1,5 milioi euroko inbertsioaren ondoren, enpresak Espainian komertzialki kudeatzen duen hirugarren planta eta Katalunian duen bigarrena izango da, eta gas berriztagarria sarera injektatuko du.
 
Porgaporcs ganadu-ustiategian (Vila-Sana, Lleida) dagoen Naturgy instalazioak urtean 2.354 etxebizitzaren kontsumoaren baliokidea den biometanoa sortuko du, eta atmosferara 2.184 tona CO₂ inguru isurtzea saihestuko du.
 
Instalazio berri honekin, trantsizio energetikoaren, tokiko energia-ekoizpenaren eta ekonomia zirkularraren aldeko apustuan beste urrats bat eman da; izan ere, gas garbia ekarriko dio energia-sistemari eta nekazaritza- eta abeltzaintza-hondakinen kudeaketa jasangarriari lagunduko dio.

• Urtean 12 GWh biometano ekoitziko dira; 2.354 etxeren kontsumoaren baliokidea.
• Atmosferara urtean 2.184 tona CO₂ isurtzea saihestuko du; 236.108 zuhaitz landatzearen baliokidea.
• Abeltzaintzako hondakin organikoetatik datorren biometanoa.

Sustatzailea: FNX

Naturgy taldeko gas-banatzaile den Nedgiak eta CycleØ enpresak lehen injekzio-puntu zentralizatua jarri dute abian, azpiegituratik urrun dauden ekoizpen-puntuetatik datorren gas berriztagarria sarera injektatzeko. Mugarri horrek aurrerapauso handia ekarri du Espainian biometanoa garatzeko, herrialdearen ekoizpen-ahalmena handitzen duelako eta garapen berrien bideragarritasun teknikoa eta ekonomikoa sustatzen dituelako. Biometanoa karbonoan neutroa da, eta hondakinak tratatuz lortzen da.
 
Injekzio-puntu zentralizatu berriak urtean 40 GWh gas berriztagarri injektatuko ditu Nedgiaren sarean, Lleidako probintzian dauden CycleØ ekoizpen-instalazio desberdinetatik datorrena. Gas hori 7.847 etxeren kontsumoaren baliokidea da.

• Urtean 40 GWh biometano ekoitziko dira; 7.847 etxeren kontsumoaren baliokidea.
• Atmosferara urtean 7.280 tona CO₂ isurtzea saihestuko du; 787.027 zuhaitz landatzearen baliokidea.
• Abeltzaintzako hondakin organikoetatik datorren biometanoa.

Sustatzailea: COREN

0,3 milioi euroko inbertsioaren ondoren, enpresak bere banaketa-sareetara gas berriztagarria injektatzeko konektatuko duen bederatzigarren instalazioa izango da, eta Galiziako bigarrena.
 

Hegazti-prozesaketarako zentroan (Santa Cruz de Arrabaldo, Ourense) dagoen COREN instalazioak urtean 3.000 etxebizitzaren kontsumoaren baliokidea den biometanoa sortuko du, eta atmosferara 2.184 tona CO₂ inguru isurtzea saihestuko du.
 

Instalazio berri honekin, trantsizio energetikoaren, tokiko energia-ekoizpenaren eta ekonomia zirkularraren aldeko apustuan beste urrats bat eman da; izan ere, gas garbia ekarriko dio energia-sistemari eta nekazaritza- eta abeltzaintza-hondakinen kudeaketa jasangarriari lagunduko dio.


• Urtean 15 GWh biometano ekoitziko dira; 3.000 etxeren kontsumoaren baliokidea.
• Atmosferara urtean 2.184 tona CO₂ isurtzea saihestuko du.
• Hegazti-prozesaketarako zentroko hondakin organikoetatik datorren biometanoa.

Sustatzailea: Redexis Renovables

Almazán herrian (Soria) dagoen gas berriztagarrien instalazioa urrats garrantzitsua da trantsizio energetikoan eta landa-inguruneetako ekonomia zirkularraren bultzadan.

Redexis Renovables enpresak sustatu du instalazioa, eta 13 milioi euro baino gehiagoko inbertsioa egin du berritzeko eta modernizatzeko. Egun, biometanoa injektatzen ari da banaketa-sarean. Urtean 20 GWh-ko ekoizpen-ahalmena du, 3.170 etxe hornitzeko adinakoa, eta nekazaritza- eta abeltzaintza-hondakinak aprobetxatuko ditu zero kilometroko biometanoa sortzeko eta tokiko gas-sarean integratzeko.

• Urteko 20 GWh, 3.170 etxe hornitzeko adina.
• Nekazaritza- eta abeltzaintza-hondakinetatik datorren biometanoa.
• 13 milioi euro baino gehiagoko inbertsioa instalazioa modernizatzeko.

Sustatzailea: Biomethane Initiatives

Biometano Montes de Toledo gas berriztagarrien instalazioa (Noez, Toledo) urrats berri bat da gure herrialdeko gas berriztagarrien garapenean. Biomethane Initiatives joint ventureak sustatzen du, Suma Capital eta Sitra enpresek osatutakoak. Urtean 40 GWh-ko ekoizpen-ahalmena du, 6.500 etxe baino gehiago hornitzeko adina.

Instalazioak urtean 100.000 tona hondakin kudeatuko ditu (50.000 tona behi-simaur, 30.000 tona txerri-minda eta 20.000 tona araztegiko lohi eta nekazaritzako elikagaien hondakin), zero kilometroko biometanoa sortzeko.

Gainera, 30.000 tona ongarri solido ekoitziko ditu, eta, horri esker, 7.280 tona CO₂ isurtzea saihestuko da.

• Urteko 40 GWh biometano, 6.500 etxe hornitzeko adina.
• 30.000 tona ongarri solido ekoiztea; urtean 7.280 tona CO₂ murriztea.
• Nekazaritzako, abeltzaintzako eta nekazaritzako elikagaien hondakinetatik datorren zero kilometroko biometanoa.

Sustatzailea: E-Cogeneración Cabanillas

Cabanillasko gas berriztagarrien instalazioa (Nafarroa) foru-erkidegoan konektatutako lehen biometano-instalazioa da. E-Cogeneración Cabanillas enpresak sustatzen du, eta urtean 22 GWh-ko ekoizpen-ahalmena du, 4.000 etxe hornitzeko nahikoa.

Lehendik zegoen biogas-instalazioa handitzeak aukera ematen du zero kilometroko biometanoa Nedgiaren sarean injektatzeko, nekazaritza- eta abeltzaintza-hondakinetatik abiatuta, batez ere txerri-mindatik, eta tokiko elikagaien industriako hondakinetatik.

Biometanoaz gain, instalazioak sortutako digestatoa erabiltzen du ongarri organikoak ekoizteko, eta, horrela, ongarri fosilen erabilera murriztu eta ekonomia zirkularra indartzen du landa eremuan.

• Urteko 22 GWh, 4.000 etxe hornitzeko adina.
• Txerri-mindatik eta nekazaritzako elikagaien industriako hondakinetatik datorren biometanoa.
• Sortutako digestatoaren erabilera, ongarri fosilen erabilera murriztuz.

Sustatzailea: Tuero Medioambiente

Venta de Bañoseko gas berriztagarrien instalazioa (Palentzia) probintzian konektatutako lehen biometano-instalazioa da, eta hirugarrena Gaztela eta Leonen. Tuero Medioambiente enpresak sustatzen du, eta urtean 43 GWh-ko ekoizpen-ahalmena du, 8.600 etxe hornitzeko nahikoa.

Instalazioak kilometro zeroko biometanoa ekoizten du nekazaritzako elikagaien hondakinetatik abiatuta, ekonomia zirkularra bultzatuz eta Gaztela eta Leon energia horren garapenean lurralde estrategiko bihurtuz.

• Urteko 43 GWh, 8.600 etxe hornitzeko adina.
• Nekazaritzako elikagaien hondakinetatik datorren biometanoa.
• Gaztela eta Leonen sarera konektatutako hirugarren planta eta Nedgiaren sarera konektatutako Espainia osoko hamahirugarrena.

Sustatzailea: Gunvor Group

Palos de la Fronterako gas berdeko instalazioa (Huelva) sarera konektatutako lehen biometano-instalazioa da Andaluzian, eta Nedgiaren sarera konektatutako Espainia osoko hamalaugarrena. Gunvor Group enpresak bultzatuta, urtean 45 GWh-ko injekzio-ahalmena du, eta zuzenean laguntzen du energia-sistemaren deskarbonizazioan eta lurraldearen garapenean.

Instalazioak biometanoa ekoizten du abeltzaintzako eta nekazaritzako elikagaien hondakinetatik abiatuta, ekonomia zirkularra sustatuz eta Andaluzia gas berdearen hedapenean lurralde estrategiko bihurtuz.

• Urtean 45 GWh sarean injektatzeko ahalmena.
• Abeltzaintzako eta nekazaritzako elikagaien hondakinetatik datorren biometanoa.
• Andaluzian sarera konektatutako lehen planta eta Nedgiaren sarera konektatutako Espainia osoko hamalaugarrena.

Sustatzailea: HAM

Eragina deskarbonizazioan

• Puntu berri honen injekzio-ahalmena urtean 75 GWh energia berriztagarriren baliokidea da.
• 15.150 tona CO₂ isuri inguru saihestuko ditu, eta, hala, ingurunea gehiago errespetatzen duen energia-eredurantz aurrera egiten lagunduko du.
• Nekazaritza- eta abeltzaintza-hondakinetatik datorren biometanoa.

Biometanoaren garapena bultzatzea

Nedgiak aurrera jarraitzen du biometanoa Espainian hedatzeko ahaleginean. Gaur egun, konpainiak 16 konexio ditu lurralde osoan, 511 GWh-ko injekzio-ahalmenarekin.

Gironako puntu berri horrek indartu egiten du Nedgiak gas berriztagarriak sustatzeko duen zeregina, instalazio berrien konexioa erraztuz eta energia-eredu jasangarriago eta eraginkorrago bat garatzen lagunduz.